Umutoza "Thierry Henry" yashyize atangaza icyamuteye gupfukama iminota igera ku 8:46 mbere y'uko umukino utangira

• 10 Jul, 2020
• 2226 View(s)
• Source : BBC

Icyamamare muri ruhago ndetse akaba n'umutoza w'ikipe ya Montreal Impact yafashe umwanzuro apfukama iminota 8:46 mbere y'umukino wo gusubukura shampiyona ya Major League Soccer(MLS) mu rwego rwo kwibuka George Floyd.

Nyuma y'umukino bamubajije icyabimuteye ntiyazuyaje abasubiza ati: "Ndibaza ko muzi impamvu, byari ukubahiriza no gushyigikira iyo mpamvu. Ntakindi".Umwanya yamaze ungana n'igihe umupolisi Derek Chauvin yamaze ashinze ivi kuri George Floyd, umwirabura utari witwaje intwaro, bikamuviramo gupfa. n'ubwo abashinjacyaha bo muri leta ya Minnesota bavuze ko nyuma y'iperereza basanze uriya mupolisi yarashinze ivi kuri Bwana Floyd mu gihe cy'iminota 7:46 aho kuba 8:46.

Uyu  rutahizamu ukomeye mu mateka ya ruhago kw'isi kubera uburyo y'itwaye igihe yakinaga muri Arsenal ndetse watwaye igikombe cy'isi n'ikipe y'Ubufaransa, asanzwe azwiho kwamagana ibikorwa by'ivangura rishingiye ku ruhu.Nyuma y'umukino bakinnye n'ikipe ya New England Revolution, yatangaje ko yibuka neza ko mu myaka yashize bamutukaga ari mu kibuga kubera ibara ry'uruhu rwe.

Ku mukino w'ejo kuwa kane, Henry yari yambaye umupira wanditseho "Black Lives Matter", akaba yarapfukamwe mu mwanya wagenewe abatoza ku kibuga mu rwego rwo gushyigikira iyo nkubiri.

ku rukuta rwa twitter Major League Soccer (MLS) banditse bishimira iki gikorwa Thierry Henry yakoze murwego rwo gukomeza guharanira ko abirabura nabo bahabwa agaciro bagombwa.